Google+ 彩妝造型師 0930-001031 新娘秘書 全省服務: 嫩版徐若瑄

2013年6月21日 星期五

嫩版徐若瑄

嫩版徐若瑄

「嫩版徐若瑄」受壓退選



進行兩輪面試、入圍名單尚未公布之際,今年多位港姐參賽者已頻頻被揭私生活不檢點,未埋身肉搏就負面新聞多多!當中,「嫩版徐若瑄」劉燕妮(Rika)是非更愈揭愈多,繼早前被發現在網上公開炫富,大晒豪宅、遊艇及名錶等照片外,近日又盛傳她曾以「小三」身份介入空中少爺的婚姻,令對方離婚及萌輕生念頭,總之就是非不斷。據知,自稱前日已收到入圍通知的Rika因飽受負面新聞影響,終於壓力爆煲,昨日向無綫提出退選。

入行拍戲做打女

Rika昨日懶理是非,穿上三點式到沙灘曬太陽兼上載靚相。記者致電她求證,她受訪時親口承認退選一事,但直言仍有意加入娛樂圈:「星期二大會打嚟通知我入圍嘅時候,我已經同TVB講要退選,但佢哋叫我再考慮吓。今日(即昨日)佢哋再打嚟,我就同佢哋講我決定要退選。呢兩日嘅新聞的確影響到身邊嘅朋友,我怕會影響埋我屋企人,所以我先有呢個決定,加上自己有明確嘅目標,想開始自己嘅生意。(有意入娛樂圈?)我唔抗拒,都想拍戲做武打明星,好似章子怡咁。參選之後都有娛樂公司聯絡我,話想簽我,不過我覺得未係時候,自己都希望有咁嘅一日。」

呻舊同事作古仔

對於盛傳做「小三」拆散空中少爺家庭,更令對方離婚及萌輕生念頭,Rika只平淡地否認傳聞:「一定冇(做小三)﹗都係以前航空公司啲同事作出嚟,我自己冇承認過同對方一齊,而且相入面個男仔都唔係事件嘅男主角,佢只不過係普通嘅男同事。(怕有更多是非被挖?)相信冇,都爆得七七八八。」她又指對方的婚姻狀況是其私事,不方便透露太多,並再次強調兩人未曾拍拖。

沒有留言:

張貼留言